Champagne Le Brun de Neuville
Grower champagne 大家多數聽過，但係有冇聽過小香檳酒農合作社呢？顧名思義, 合作社就係一班香檳農走在一起，建立一個合作社，推出佢哋嘅香檳品牌。
登登登登！今次向大家介紹嘅就係呢個合作社： <Champagne Le Brun de Neuville>
佢哋大部分嘅葡萄主要係賣俾大路嘅香檳品牌。但係由於亦都想製造自己心目中嘅香檳，所以佢哋就留起咗啲最靚嘅葡萄，釀造自己心目中完美嘅香檳嘞！呢個品牌佢係1963年建立，原名為<La Crayere>, 當時嘅酒農只有26個，但係由於越做越出色，到現時已經增加到170個酒農。合作社嘅葡萄田係位於香檳區內嘅中部西南面Cote de Sezanne，主要係種植Chardonnay 為主。
質素方面，由於呢班酒農佢哋走埋一齊建立一個品牌係為咗讓自己可以一展身手，所以大家都將自己葡萄田裏面最優質嘅葡萄，由合作社德高望重嘅Cellar Master Gilles Baltazart去調配不同香檳。由於合作社冇個體酒農咁大銷售壓力，因此佢哋可以容許自己所做嘅香檳有較長嘅陳年時間，例如佢嘅入門香檳最少已經陳年4-5年先至Disgorge，而最長陳年嘅Autolyse更達12年! 此外更加注重環境保護及有機耕種嘅佢哋，堅持要獲得VDC及HVE嘅證書。
